保持樂觀

《快樂料您》

其實快樂就像煮食,用對材料,便會尋找到、享受到。
讓我們告訴你,快樂要用甚麼去料理吧!

主要食材:
感謝
接納
愛自己

快樂配料:
一匙  感謝過去的自己
二顆  傾訴搵知己
三粒  原諒曾犯錯的自己
四磚  愛現在的自己
五磅  接納不完美的自己
六克  做運動鍛鍊自己
七杯  相信未來的自己
八片  放鬆自己
九罐  向困難挑戰
十斤  探索未知的自己

 

樂觀十式

需要保持樂觀有辦法,我地有十個方法提供俾你!

一早起身,照吓自己既醒目樣先,然後同自己講番啲勵志性既口號,例如「Oush!!我一定掂!」
諗番過去7日裡,搵番一啲自己欣賞自己既地方,然後因應做得好既程度,間中獎啲正嘢俾自己。(如:一粒糖、買一件衫、食大餐、打一場波……。)
   找一個適合的對象(例如:朋友、親人、老師、社工等...)坐底、飲啖茶、食個包、吐哂啲苦水出來,正所謂「明天會更好」嘛!
   邊個令你唔開心,使乜嬲;去同佢講清楚,你有咩感受,講咗出來舒服哂!
   有時動下腦筋,自創小遊戲,例如鬥快講出世界盃對香港的十大貢獻。
  每日創作一個笑話同人分享。
  生理控制:每日做半個鐘有氧運動,身體好啲,精神啲,人又靚啲,睇嘢就自然樂觀啲啦。
  找個空間去舒緩一下自己既情緒,睇住遠遠既海?大叫~?Sure! Why Not!!
  每日尋找一位朋友仔,向他發出衷心的讚美。你又開心,佢又會開心!
  自我催眠Step1: 找一個「舒服的角落」(例如:坐在家中的梳化),以五官感受四周的一切(例如:耳聽鳥聲,眼看牆上橙色的一幅畫,梳化軟棉棉),記住!記住!記住!其中一種最「深刻的感覺(鳥聲、橙畫、軟棉棉)」Step2: 每晚睡前反覆練習,重溫「深刻的感受(鳥聲、橙畫、軟棉棉)」,慢慢幻想、幻想、幻想四周~直至你仿如~置身於那「舒服的角落」(例如:坐在家中的梳化)的感覺出現。反覆練習、反覆練習...Step3: 多做以上的練習,漸漸你就可以控制自己心靈「舒服的角落」隨時出現:在最緊張的時候,只需回想你那「深刻的感受」,就能令你較快地點復冷靜、放鬆、快樂。